最後一葉
佇美國，有一片住宅區叫做格林威治村。真濟散赤的畫家蹛佇遐，所以遐變做一個畫家村。有一年冬天，這個村流行肺炎，真濟人病倒，甚至失去性命。
蘇和瓊西攏是青年畫家，兩人合租一間上頂懸樓做畫室， in 樓跤蹛一個一直揣無好題畫一幅好圖的老畫家柏曼。
瓊西體質弱得着肺炎，醫生甲蘇講，除非瓊西有真強的意志求生，矣無恐驚會予肺炎奪走性命！瓊西倒佇眠床，規工看對窗仔外 phua 佇牆壁的花藤，喙一直唸：「花藤頂的葉仔若落了，我嘛會對咧離開。」
蘇看瓊西安呢失志真煩惱，就走去揣老畫家參詳。
這工暗時，風雨足大，瓊西真驚原本落佮 tshun 一葉的花藤，連最後一葉嘛保袂牢，佳哉！第二工窗仔扑開的時，瓊西看着彼葉猶原在，自安呢病漸漸好起來。
但是這時，管理員煞來甲蘇講：「老畫家佇大風雨彼一晚，予人發現倒佇後院，規身軀是 tâm-lok-lok 、冷吱吱，色盤佮樓梯倒佇伊身軀邊，牆壁頂有畫一幅永遠落袂落來的樹葉仔。」
05-24 賀!本校師生參加103學年度教育部體育署...
